Сүхбаатар нэгдсэн эмнэлгийн нийт ажиллагчдын нэрийн өмнөөс та бүхний амар амгаланг айлтгая. Бид Сүхбаатар дүүргийн нийт хүн амд эмнэлгийн үйлчилгээг үзүүлж байна.

Бид эмнэлгийн тусламж үйлчилгээг сайжруулахыг тэргүүн зорилгоо болгохын зэрэгцээ оношлогоо эмчилгээний олон улсын стандартыг нэвтрүүлэх, эмнэлгийн тоног төхөөрөмжийг шинэчлэхэд анхаарч ажиллаж байна. Гар, сэтгэл нийлсэн итгэлтэй баг ажиллаж байгаа учраас эмнэлгийн тусламж үйлчилгээ улам бүр сайжирч, үйлчлүүлэгчдийн маань сэтгэл санаа ч өндөр байдаг. Сүхбаатар нэгдсэн эмнэлгийн үйлчлүүлэгчид хүрээгээ тэлсээр байна. Бидний ажлыг дэмжиж тусалдаг үйлчлүүлэгчиддээ чин сэтгэлээсээ талархаж байгаагаа илэрхийлмээр байна. Ингээд манай эмнэлгээр үйлчлүүлж, зочилж буй таньд бидний хаалга үргэлж нээлттэй ба манай хамт олон танд туслах, хамтран ажиллах, үнэтэй санал, хүсэлтийг тань үйл ажиллагаандаа тусган ажиллахад бэлэн байна.